कोरोनानंतर जगभरात वर्क फ्रॉम होमची (Work From Home) सुरूवात झाली. बहुतांशी कंपन्यांनी WFH मॉडेल स्विकारत आपल्या कर्मचाऱ्यांना घरबसल्या कामाची संधी दिली. कालांतराने कोरोनाची लाट ओसरली आणि अनेक कंपन्यांनी कर्मचाऱ्यांना ऑफिस जॉईन करण्यास सांगितले. तर काही कंपन्या हायब्रीड मॉडेलवर काम करू लागल्या. असे असले तरी अनेकांना वर्क फ्रॉर्म होम कामाची सवय झाली त्यांना ते पसंत देखील आहे. महिला वर्गाची संख्या देखील यामध्ये जास्त असून त्यांचा ओढा घरबसल्या कामाच्या संधी शोधण्याकडे आहे. आज आम्ही आपल्यासाठी अशाच काही वर्क फ्रॉमचे ऑप्शन्स सांगणार आहोत.. चला तर जाणून घेऊया चांगली कमाई करून देणाऱ्या Work From Home च्या संधींबद्दल..
Work From Home 2024
सोशल मीडिया मॅनेजर
सोशल मीडिया मॅनेजर हा कोणतीही कंपनी, ब्रँड किंवा कोणत्याही प्रमुख संस्थेमधील सोशल मीडिया प्लॅटफॉर्म हाताळण्याचे काम करतो. जर तुम्हाला सोशल मीडियावर कनेक्ट राहायला आवडत असेल, तर हा करिअर ऑप्शन तुमच्यासाठी बेस्ट आहे.
कंपनीची अधिक प्रगती होण्यासाठी सोशल मीडिया मॅनेजर अनेक नवे फंडे आणि नवीन पद्धतीचा अवलंब करतात. जेणेकरून कंपनीची, संस्थेची किंवा त्या ब्रॅंडची चांगली प्रतिमा कायम ठेवता येईल. या क्षेत्रात वर्क फ्रॉम होमच्या देखील अनेक संधी आहेत.
अनुवादक (ट्रान्सलेटर)
ट्रान्सलेसनच्या क्षेत्रात देखील करिअरच्या अनेक संधी आहेत. मात्र, तुम्हाला एका भाषेसोबत इतर अनेक भाषांचे ज्ञान असणे आवश्यक आहे. तुम्हाला इतर भाषांचे ज्ञान असल्यास, तुम्ही घरबसल्या अनुवादक म्हणून काम करू शकता.
जर तुम्हाला इंग्रजी आणि हिंदी भाषांसोबत एखादी परदेशी भाषा येत असेल तर तुम्ही हिंदी ते इंग्रजी किंवा इंग्रजी ते हिंदी भाषांतराचे काम करून पैसे कमवू शकता. यासोबतच परदेशी भाषेचा मराठीत किंवा हिंदीत अनुवाद करून ही तुम्ही पैसे कमावू शकता.
ऑनलाईन शिक्षक
सध्याचे युग हे डिजिटल आहे. आजकाल प्रत्येक गोष्ट ही ऑनलाईन माध्यमातून मिळत आहे. त्यामुळे, बरेच लोक हे ऑनलाईन शिक्षणाद्वारे पैसे कमावण्याचे मार्ग शोधत आहेत. ऑनलाईन शिक्षक होऊन तुम्ही चांगले पैसे कमवू शकता.
वर्क फ्रॉम होम करण्यासाठी हा जॉब बेस्ट आहे. विज्ञान, गणित या विषयांसोबत तुम्ही JEE Mains, Neet इत्यादींशी संबंधित विषय शिकवू शकता. मात्र, तुमच्याकडे या विषयांशी निगडीत पदवी असणे आवश्यक आहे.