Saturday, September 23, 2023
HomeGovt. Schemeसुकन्या समृद्धी योजनेत गुंतवलेल्या रकमेच्या तिप्पट रक्कम परतावा म्हणून मिळणार | Sukanya...

सुकन्या समृद्धी योजनेत गुंतवलेल्या रकमेच्या तिप्पट रक्कम परतावा म्हणून मिळणार | Sukanya Samriddhi Yojana

सुकन्या समृद्धी योजना (Sukanya Samriddhi Yojana) ही भारत सरकारची मुलींच्या भवितव्यासाठी तयार केलेली एक महत्वपूर्ण योजना आहे. जर तुम्ही तुमच्या मुलींच्या भविष्यासाठी या योजनेत गुंतवणूक केली असेल, तर तुमची रक्कम मॅच्युरिटीवेळी तिप्पट वाढणार आहे. यामध्ये तुम्हाला मिळणारे व्याज एकूण गुंतवणुकीच्या दुप्पट असेल.

केंद्र सरकारने पोस्ट ऑफिसच्या माध्यमातून सादर केलेल्या या योजनेत 1 एप्रिलपासून व्याजदर वार्षिक 8 टक्के करण्यात आला आहे. त्यामुळे मुलींच्या नावावर असलेली ही लोकप्रिय सरकारी योजना (SSY) पूर्वीपेक्षा अधिक आकर्षक बनली आहे.

सुकन्या समृध्दी योजनेची मॅच्युरिटी 21 वर्षे आहे, मात्र यामध्ये पालकांना फक्त 15 वर्षेच गुंतवणूक करावी लागते. उर्वरित वर्ष चक्रवाढ व्याज जमा रक्कमेत जमा होते. या योजनेत वर्षाला जास्तीत जास्त 1,50,000 रुपये जमा करता येतात. तर खाते उघडण्यासाठी 250 रूपयापासून सुरवात करता येते.

सुकन्या समृद्धी योजनेचे कॅल्क्युलेटर
दरवर्षी 1 लाख रुपये गुंतवणुकीच्या हिशोबाने अंदाज
सुकन्या समृध्दी योजना व्याजदर : 8 टक्के प्रतिवर्ष
वार्षिक गुंतवणूक : 1 लाख रुपये
15 वर्षांतील गुंतवणूक : 15 लाख रुपये
21 वर्षांच्या मॅच्युरिटीवर एकूण रक्कम: 44 लाख 89 हजार 690 रुपये
व्याज लाभ : 29 लाख 89 हजार 690 रुपये

सुकन्या समृद्धी योजना करमुक्त योजना
या योजनेत कर सूट तीन वेगवेगळ्या स्तरांवर उपलब्ध आहे. प्रथम प्राप्तिकर कायद्याच्या कलम 80 सी अंतर्गत 1.5 लाखांपर्यंतच्या वार्षिक गुंतवणुकीवर सूट मिळते. दुसरे म्हणजे त्यातून मिळणाऱ्या परताव्यावर कोणताही कर आकारला जात नाही आणि तिसरे म्हणजे मॅच्युरिटीवर मिळणारी रक्कम करमुक्त असते.

सुकन्या समृध्दी योजनेत मुदतपूर्ती पूर्वी पैसे काढणे शक्य
सुकन्या समृध्दी योजनेत मुलगी 18 वर्षांची झाल्यावर तिच्या लग्नासाठी मुदतीपूर्वी 50 टक्के रक्कम काढता येते. याशिवाय खाते उघडल्यानंतर 5 वर्षांनी काही विशिष्ट परिस्थितीत मुदतपूर्ती पूर्वी पैसे काढता येतात. जसे की, खातेदाराचा अचानक मृत्यू, पालकाचा मृत्यू, खातेदाराचा गंभीर आजार किंवा खाते सुरू ठेवण्यास असमर्थता असणे.

सुकन्या समृद्धी योजनेतील आत्तापर्यंतचा व्याजाचा तपशील

1 एप्रिल 2014 – 9.1%
1 एप्रिल 2015 – 9.2%
1 एप्रिल 2016 ते 30 जून 2016 – 8.6%
1 जुलै 2016 ते 30 सप्टेंबर 2016 – 8.6%
1 ऑक्टोबर 2016 ते 31 डिसेंबर 2016 – 8.5%
1 जुलै 2017 ते 31 डिसेंबर 2017 – 8.3%
1 जानेवारी 2018 ते 30 स्पटेंबर 2018 – 8.1%
1 ऑक्टोबर 2018 ते 31 डिसेंबर 2018 – 8.5%
1 जानेवारी 2019 ते 31 मार्च 2019 – 8.5%
1 जानेवारी 2020 ते 31 मार्च 2020 – 8.4%
1 एप्रिल 2020 ते 30 जून 2020 – 7.6%
1 जानेवारी 2023 ते 31 मार्च 2023 – 7.6%
1 एप्रिल 2023 पासून सध्या 8%

RELATED ARTICLES
- Advertisment -

Most Popular