Google ने कमाल केलीl; आता तुमचा संपूर्ण Gmail अ‍ॅड्रेसच बदलता येणार!

Google Feature Update 2026: जगप्रसिध्द टेक कंपनी गुगलने आपल्या वापरकर्त्यांसाठी मंगळवारी एक महत्त्वपूर्ण अपडेट जाहीर करत वापरकर्त्यांना सुखद धक्का दिला आहे. आता वापरकर्त्यांना त्यांचा प्राथमिक Gmail अ‍ॅड्रेस बदलण्याची परवानगी मिळणार आहे. यापूर्वी Gmail खाते तयार केल्यानंतर मुख्य ईमेल अ‍ॅड्रेस कायमस्वरूपी निश्चित राहत असे आणि तो बदलण्याची कोणतीही अधिकृत सुविधा उपलब्ध नव्हती. त्यामुळे हा बदल तांत्रिकदृष्ट्या आणि वापरकर्त्यांच्या दृष्टीने अत्यंत महत्त्वाचा मानला जात आहे.

Google rolls out primary Gmail address change feature

माउंटन व्ह्यू येथे मुख्यालय असलेल्या या टेक कंपनीनुसार, ही नवीन सुविधा केवळ Gmail पुरती मर्यादित नसून संपूर्ण Google अकाउंटवर लागू होईल. म्हणजेच, Gmail सोबतच Google Calendar, Google Photos आणि Google Drive यांसारख्या सेवांवरही याचा परिणाम होईल. मात्र, सध्या ही सुविधा टप्प्याटप्प्याने सुरू करण्यात येत असून ती प्रथम अमेरिकेतील वापरकर्त्यांसाठी उपलब्ध करून देण्यात आली आहे.

विशेष म्हणजे, या सुविधेची पहिली झलक डिसेंबर 2025 मध्ये दिसली होती. त्या वेळी Google च्या सपोर्ट पेजवर Gmail अ‍ॅड्रेस बदलण्याबाबत उल्लेख करण्यात आला होता. मात्र, प्रत्यक्षात ही सुविधा वापरकर्त्यांसाठी उपलब्ध नव्हती. आता अधिकृतपणे ती लागू करण्यात आली आहे.

या अपडेटमुळे वापरकर्ते नवीन @gmail.com अ‍ॅड्रेसवर सहजपणे स्विच करू शकतात. महत्त्वाची बाब म्हणजे, अ‍ॅड्रेस बदलल्यानंतरही जुन्या ईमेल आयडीवर येणारे सर्व ईमेल वापरकर्त्यांना मिळत राहतील. तसेच, जुना अ‍ॅड्रेस साइन-इन आणि ईमेल पाठवण्यासाठीही वापरता येईल. Google च्या माहितीनुसार, वापरकर्ते वर्षातून एकदाच हा बदल करू शकतात आणि एकूण तीन वेळा ही सुविधा वापरण्याची मर्यादा ठेवण्यात आली आहे.

या प्रक्रियेदरम्यान वापरकर्त्यांचा कोणताही डेटा गमावला जाणार नाही. सर्व ईमेल्स, फाइल्स, फोटो, संपर्क, खरेदीची माहिती आणि सबस्क्रिप्शन्स सुरक्षित राहतील. नवीन अ‍ॅड्रेस निवडल्यानंतर जुना अ‍ॅड्रेस ‘अ‍ॅलियास’ म्हणून कार्य करेल. यामुळे वापरकर्त्यांना जुन्या अ‍ॅड्रेसशी संबंधित कोणतीही अडचण येणार नाही.

खालील तक्त्यात या सुविधेची प्रमुख वैशिष्ट्ये दिली आहेत:

याशिवाय, वापरकर्त्यांना भविष्यात गरज भासल्यास जुन्या ईमेल अ‍ॅड्रेसवर पुन्हा परत जाण्याची सुविधाही दिली आहे. त्यामुळे वापरकर्त्यांना अधिक लवचिकता मिळणार आहे.

ही सुविधा विशेषतः त्या वापरकर्त्यांसाठी उपयुक्त ठरणार आहे ज्यांनी अनेक वर्षांपूर्वी Gmail खाते तयार केले होते आणि आता अधिक व्यावसायिक किंवा सुसंगत ईमेल आयडी वापरण्याची इच्छा आहे. आतापर्यंत Gmail मध्ये अ‍ॅलियास किंवा अतिरिक्त ईमेल वापरण्याची सुविधा होती, परंतु मुख्य अ‍ॅड्रेस बदलण्याचा पर्याय नव्हता.

Gmail अ‍ॅड्रेस बदलण्यासाठी वापरकर्त्यांनी myaccount.google.com/google-account-email या वेबसाइटवर जाऊन Personal Info विभागात जाऊन आवश्यक स्टेप्स पूर्ण कराव्या लागतील. नवीन अ‍ॅड्रेस उपलब्ध असणे आवश्यक आहे आणि तो पूर्वी वापरलेला किंवा डिलीट केलेला नसावा.

तथापि, Google ने सूचित केले आहे की काही सेवांमध्ये अ‍ॅड्रेस बदलल्यानंतर तांत्रिक अडचणी येऊ शकतात. विशेषतः Chromebooks, Google Convenience साइन-इन आणि Remote Desktop वापरणाऱ्यांनी अतिरिक्त सूचनांचे पालन करणे आवश्यक आहे.

एकूणच, Gmail वापरकर्त्यांसाठी हा एक मोठा आणि अपेक्षित बदल असून, भविष्यात ही सुविधा जागतिक स्तरावर उपलब्ध होण्याची शक्यता आहे.