केंद्र सरकारने पॅनकार्ड आधारशी लिंक करण्याची अंतिम मुदत वाढवण्याची घोषणा केली आहे.
केंद्र सरकारने आता पॅन वापरकर्त्यांना त्यांचे पॅन आधारशी लिंक करण्यासाठी आणखी 3 महिन्यांची मुदत दिली आहे.
करदात्यांच्या समस्या लक्षात घेता केंद्र सरकारने पॅन आधार लिंक करण्याची अंतिम मुदत 30 जून 2023 पर्यंत वाढवून दिली आहे.
यापूर्वी 31 मार्च 2023 ही अंतिम मुदत प्राप्तिकर विभागाने दिली होती. सरकारच्या या निर्णयामुळे मोठ्या प्रमाणात करदात्यांना दिलासा मिळाला आहे.
लिंक स्टेटस तपासण्यासाठी वापरकर्त्यांना प्रथम आयकर विभागाच्या ई-फायलिंग वेबसाइटला (https://eportal.incometax.gov.in/) भेट द्यावी लागेल.
याठिकाणी दिेलेल्या रखान्यात क्रमाने तुमचा पॅन क्रमांक आणि त्यानंतर आधार क्रमांक टाकून सबमिट करा
जर तुम्ही आधीच तुमचे पॅन कार्ड आधार क्रमांकाशी लिंक केले असेल तर तुम्हाला तसा संदेश दिसेल.
जर तुमचे पॅन-कार्ड आधार क्रमांकाशी लिंक नसेल तर
–
इनकम टॅक्सची ई-फाइलिंग वेबसाइट www.incometax.gov.in वर जा.
Home वर क्लिक करून क्विक सेक्शनमध्ये जा. आणि आधार स्टेटसवर जाऊन आपला पॅन, आधार नंबर आणि मोबाइल नंबर टाका.
‘I validate my Aadhaar details’ च्या ऑप्शनची निवड करा, तुमच्या रजिस्टर्ड मोबाइल नंबर वर ओटीपी येईल तो या ठिकाणी टाका.
एक हजार रुपयाचा दंड भरून पॅन कार्डला आधार कार्डशी लिंक करा, सध्या हा दंड भरणे अनिवार्य आहे.
ऑनलाईन दंड भरल्यानंतर तुमचे पॅन कार्ड आधार क्रमांकाशी लिंक केल्याचा तुम्हाला संदेश प्राप्त होईल.