पुणे | महानगरपालिका, आरोग्य कार्यालय अंतर्गत विविध रिक्त पदांची भरती केली जाणार आहे. याबाबतची अधिसूचना प्रकाशित करण्यात आली आहे.
‘पशु वैद्यकीय अधिकारी, कनिष्ठ अभियंता (स्थापत्य), विद्युत पर्यवेक्षक’ रिक्त जागांसाठी ही अधिसूचना प्रकाशित करण्यात आली असून एकूण 05 रिक्त जागा भरण्यात येणार आहेत.
यासाठी पदांनुसार पात्र असणाऱ्या उमेदवारांकडून अर्ज मागविण्यात येत आहे. अर्ज ऑफलाईन पद्धतीने करायचा आहे. अर्ज करण्याची शेवटची तारीख 24 जुलै 2023 आहे.
अर्ज पाठविण्याचा पत्ता – कॅ. वडके सभागृह, आरोग्य कार्यालय, तिसरा मजला,पुणे महानगरपालिका, मुख्य इमारत, शिवाजीनगर, पुणे – 05
PDF जाहिरात – Pune Municipal Corporation Recruitment
अधिकृत वेबसाईट – www.pmc.gov.in
Pune Mahanagarpalika Recruitment 2023
पुणे | पुणे महापालिका प्रशासनाने 110 कनिष्ठ अभियंत्यांची भरती करण्याचा निर्णय घेतला आहे. हद्दीवाढीमुळे महापालिका प्रशासनावर ताण पडत असल्याने हा निर्णय घेण्यात आला असून कनिष्ठ अभियंत्यांबरोबरच सात उपकामगार अधिकारी, उपमुख्य अग्निशमन अधिकारी, सहायक विभागीय अग्निशमन अधिकारी आणि विभागीय अग्निशमन अधिकारी यांच्या प्रत्येकी एका जागेसाठी येत्या काही दिवसांत भरती प्रक्रिया राबविण्यात येणार आहे. (Pune Mahanagarpalika Recruitment 2023)
पुणे महापालिकेत मागील 10 वर्षांपासून पदभरतीवर बंदी आहे, त्यामुळे मोठ्या प्रमाणात जागा रिक्त झाल्या आहेत. कंत्राटी कामगारांची नियुक्ती करून कामे केली जात होती. पण गेल्या वर्षी राज्य सरकारने भरतीवरील स्थगिती उठविल्याने प्रशासनाने नोकर भरती सुरू केली आहे. गेल्यावर्षी 135 कनिष्ठ अभियंत्यांसह विविध पदांच्या 448 जागांची भरती प्रक्रिया पार पाडली. त्यानंतर आता दुसऱ्या टप्प्यात 9 पदांवरील 320 जागांची भरती प्रक्रिया सुरू केली आहे. त्यांची नुकतीच ऑनलाइन परीक्षा झाली आहे. त्याचा निकाल लागल्यानंतर कागदपत्रांची पडताळणी करून अंतिम निवड यादी जाहीर केली जाईल.
भरती सुरू असताना आता 110 कनिष्ठ अभियंता (स्थापत्य), सात उपकामगार अधिकारी, एक उपमुख्य अग्निशमन अधिकारी, एक विभागीय अग्निशमन अधिकारी, एक सहायक विभागीय अग्निशमन अधिकारी यांची भरती करण्याचा निर्णय घेतला आहे. त्यानुसार आयबीपीएस संस्थेसोबत पुढील चर्चा करून या पदांसाठी जुलै महिनाअखेरपर्यंत जाहिरात काढून उमेदवारांकडून अर्ज मागविले जाणार आहेत.
महापालिका हद्दीत 34 गावांचा समावेश झाल्याने हद्दवाढ झाली आहे. त्यामुळे प्रशासनाच्या विविध विभागांवर त्याचा ताण येत आहे. त्यामुळे हा निर्णय घेण्यात आला आहे. कनिष्ठ अभियंता पदासाठी तीन वर्षाचा अनुभव असणे अनिवार्य आहे.