Cabinet Portfolio Allocation | मोठी बातमी! अखेर राज्य मंत्रिमंडळाचं खातेवाटप जाहीर; कुणाला मिळालं कोणतं खातं? वाचा संपूर्ण यादी!

मुंबई | राज्यात सत्तेत आलेल्या महायुती सरकारचा रखडलेला मंत्रिमंडळ विस्तार गेल्या काही दिवसांपूर्वी पार पडला. त्यानंतर हिवाळी अधिवेशही पार पडलं. मात्र, मंत्रिमंडळाचा विस्तार होऊन आठवडा उलटला तरी खातेवाटपाला मुहुर्त सापडला नव्हता. त्यामुळं बिनखात्याचं मंत्री म्हणून मंत्र्याना फिरावं लागत होतं. मात्र, अखेर आज राज्य मंत्रिमंडळाचं खातेवाटप जाहीर झालं आहे. यामध्ये मुख्यमंत्री देवेंद्र फडणवीस यांच्याकडे गृहखातं, उपमुख्यमंत्री एकनाथ शिंदे यांच्याकडे नगरविकास खातं तर उपमुख्यमंत्री अजित पवार यांच्याकडे अर्थखातं असणार आहे.

महायुती सरकारच्या मंत्रीमंडळाचं खातेवाटप – Cabinet Portfolio Allocation

देवेंद्र फडणवीस : गृहखाते
एकनाथ शिंदे : नगरविकास आणि गृहनिर्माण
अजित पवार : अर्थ आणि राज्य उत्पादन शुल्क
चंद्रशेखर बावनकुळे : महसूल
राधाकृष्ण विखे पाटील : जलसंधारण
हसन मुश्रीफ : वैद्यकीय शिक्षण
प्रकाश आबिटकर : सार्वजनिक आरोग्य कुटुंब कल्याण
चंद्रकांत पाटील : उच्च तंत्र शिक्षण
गिरीश महाजन : जलसंपदा
गुलाबराव पाटील : पाणीपुरवठा
धनंजय मुंडे : अन्न व नागरी पुरवठा
दादाजी भुसे : शालेय शिक्षण
गणेश नाईक : वनखातं
संजय राठोड : माती व पाणी परीक्षण खाते
मंगलप्रभात लोढा : कौशल्य विकास
उदय सामंत : उद्योग व मराठी भाषा
जयकुमार रावल : विपणन
पंकजा मुंडे : पशुसंवर्धन आणि पर्यावरण
अतुल सावे : ओबीसी विकास, दुग्धविकास
अशोक उईके : आदिवासी विकास
शंभूराज देसाई : पर्यटन व खाण स्वातंत्र्य सैनिक कल्याण मंत्रालय
आशिष शेलार : माहिती व तंत्रज्ञान
दत्तात्रय भरणे : क्रीडा व अल्पसंख्याक विकास
अदिती तटकरे : महिला व बालविकास
शिवेंद्रराजे भोसले : सार्वजनिक बांधकाम
माणिकराव कोकाटे : कृषी
नरहरी झिरवाळ : अन्न व औषध प्रशासन
जयकुमार गोरे : ग्रामविकास आणि पंचायत राज
संजय शिरसाट : सामाजिक न्याय
भरत गोगावले : रोजगार हमी व फलोत्पादन
नितेश राणे : मत्स्य आणि बंदरे
प्रताप सरनाईक : वाहतूक
बाबासाहेब पाटील : सहकार
मकरंद पाटील : मदत व पुनर्वसन

राज्यमंत्री, कोणाकडे कोणतं खातं?

माधुरी मिसाळ : सामाजिक न्याय,अल्पसंख्याक विकास वैद्यकीय शिक्षण
आशिष जयस्वाल : अर्थ आणि नियोजन आणि विधी व न्याय
इंद्रनील नाईक : उच्च आणि तंत्र शिक्षण आणि आदिवासी विकास
मेघना बोर्डीकर : सार्वजनिक आरोग्य, कुटुंब कल्याण
योगेश कदम : गृह राज्य शहर
पंकज भोयर : गृह निर्माण

राज्यात महायुतीला स्पष्ट बहुमत मिळालं. त्यानंतर  5 डिसेंबर रोजी नव्या मंत्रिमंडळाचा शपथविधी पार पडला. यावेळी देवेंद्र फडणवीस यांनी मुख्यमंत्रिपदाची तर एकनाथ शिंदे आणि अजित पवार यांनी उपमुख्यमंत्रिपदाची शपथ घेतली. मात्र शपथविधीनंतर देखील मंत्रिमंडळाचा विस्तार रखडला होता, त्यामुळे राजकीय वर्तुळात चर्चेला उधाण आलं. दरम्यान हिवाळी अधिवेशनाच्या एक दिवस आधीच मंत्रिमंडळाचा विस्तार करण्यात आला आहे. अधिवेशन सुरू असताना मंत्र्यांना खाते वाटप होईल अशी अपेक्षा होती. मात्र अखेर आज अधिवेशनाच्या शेवटच्या दिवशी खाते वाटप जाहीर करण्यात आलं आहे. अपेक्षेनुसार गृहमंत्रालय हे मुख्यमंत्री देवेंद्र फडणवीस यांच्याकडेच  देण्यात आलं आहे.