खातेवाटपाचा फॉर्म्युला ठरला! गृह, महसूल, पर्यटन, महसूल, नगरविकास…; कोणाला कोणती खाती मिळणार, संभाव्य यादी समोर – Maharashtra Cabinet Expansion

नागपूर | हिवाळी अधिवेशन नागपुरात सुरु असून नुकताच नवीन राज्य मंत्रिमंडळाचा विस्तार (Maharashtra Cabinet Expansion) 15 डिसेंबरला पार पडला. महायुतीच्या 39 आमदारांनी यावेळी मंत्रि‍पदाची शपथ घेतली. मात्र अद्याप खातेवाटप करण्यात आलेलं नाही. परंतु आता महायुती सरकारचा खातेवाटपाचा फॉर्म्युला ठरला असल्याची माहिती समोर येत आहे. 

येत्या 24 तासांत खातेवाटपसंबंधी निर्णय घेतला जाणार आहे. शिवसेनेची यादी काल रात्रीच मुख्यमंत्री देवेंद्र फडणवीस (Devendra Fadnavis) यांच्याकडे सोपवण्यात आली आहे. तर राष्ट्रवादी काँग्रेसची यादी आज दिली जाणार आहे. मुख्यमंत्री देवेंद्र फडणवीस भाजपच्या मंत्र्यांच्या खातेवाटपासह येत्या दोन दिवसांत राज्यपालांना संपूर्ण खाते वाटपाची यादी देणार आहेत. 

महायुतीचे असे असेल खातेवाटप – (Maharashtra Goverment All Minister Post List)

गेल्या मंत्री मंडळातील महत्वाची खाती त्या-त्या पक्षांकडेच राहणार असल्याची सूत्रांची माहिती आहे. गृहखातं भाजपने स्वतःकडे राखण्यात यश मिळवलं आहे, नगरविकास खातं शिवसेनेकडे राहणार आहे, तर अर्थ खातं अजित पवारांच्या राष्ट्रवादीला मिळणार आहे. महसूल, सार्वजनिक बांधकाम, पर्यटन, ऊर्जा भाजपच्या ताब्यात राहणार आहे. शिवसेनेकडील उत्पादन शुल्क राष्ट्रवादीला दिलं जाणार आहे. तर भाजपकडील गृहनिर्माण खातं शिवसेनेच्या ताब्यात दिलं जाणार आहे. महिला व बालविकास खातं पूर्वीप्रमाणेचं राष्ट्रवादीकडे राहणार आहे. अदिती तटकरेंची पुन्हा या खात्याच्या मंत्रिपदी वर्णी लागण्याची शक्यता आहे.

कोणाला कोणती खाती मिळणार?

भाजप-
गृह, महसूल सार्वजनिक बांधकाम, पर्यटन, ऊर्जा

शिवसेना-
नगरविकास, गृहनिर्माण

राष्ट्रवादी काँग्रेस –
अर्थ, महिला आणि बालविकास, उत्पादन शुल्क

गृहखातं अखेर भाजपकडे

गेल्या काही दिवसांपासून महायुतीत गृहखातं कुणाकडे यावरून मोठा तिढा निर्माण झाल्याचं पहायला मिळतं होतं. अखेर भाजपनं गृहखातं आपल्याकडेचं राखण्यात यश मिळवलं असल्याचं बोललं जात आहे. शिवसेना आणि भाजपमध्ये गृहखात्यावरुन मोठा वाद झाला होता.

मंत्रिपदाची शपथ घेणारे मंत्री –

कॅबिनेटमंत्री

1.चंद्रशेखर बावनकुळे 
2. राधाकृष्ण विखेपाटील 
3. ⁠हसन मुश्रीफ 
4. ⁠चंद्रकांत पाटील 
5. ⁠गिरीश महाजन 
6. ⁠गुलाबराव पाटील 
7. ⁠गणेश नाईक 
8. ⁠दादा भुसे 
9. ⁠संजय राठोड 
10. ⁠धनंजय मुंडे 
11. ⁠मंगलप्रभात लोढा 
12. ⁠उदय सामंत 
13. ⁠जयकुमार रावळ 
14. ⁠पंकजा मुंडे 
15. ⁠अतुल सावे 
16. ⁠अशोक उईके 
17. ⁠शंभूराज देसाई 
18. ⁠आशिष शेलार 
19. ⁠दत्ता भरणे 
20. ⁠आदिती तटकरे 
21. ⁠शिवेंद्रसिंह भोसले 
22. ⁠माणिकराव कोकाटे 
23. ⁠जयकुमार गोरे 
24. ⁠नरहरी झिरवळ 
25. ⁠संजय सावकारे 
26. ⁠संजय शिरसाठ 
27. ⁠प्रताप सरनाईक 
28. ⁠भरत गोगावले 
29. ⁠मकरंद पाटील 
30. ⁠नितेश राणे 
31. ⁠आकाश फुंडकर 
32. ⁠बाबासाहेब पाटील 
33. ⁠प्रकाश आबिटकर 

राज्यमंत्री 

1. माधुरी मिसाळ 
2. ⁠आशिष जयस्वाल 
3. ⁠पंकज भोयर 
4. ⁠मेघना बोर्डीकर साकोरे 
5. ⁠इंद्रनील नाईक 
6. ⁠योगेश कदम