सोने दरातील घसरण सुरूच; आज दर आणखी ‘इतक्या’ रक्कमेने घसरले | Gold Silver Rate Today
मुंबई | सोन्याच्या दरात चढ- उताराचा सिलसिला सुरूच असल्याचे दिसते. सोन्याच्या दरात आठवड्याच्या पहिल्याच दिवशी सोमवारी (२३ डिसेंबर २०२४) वाढ झाली होती. मात्र मंगळवारी (२४ डिसेंबर २०२४) मात्र २४ तासातच सोन्याच्या दरात घसरण झाली आहे. आज सकाळी बाजाराची सुरवात झाल्यापासून सायंकाळच्या सत्रापर्यंत दरात आणखी घसरण झाल्याचे दिसत आहे. तर चांदीच्या दरात मात्र वाढ झाल्याने ग्राहकांमध्ये चिंता वाढली आहे.
Gold Silver Rate Today: सध्या लग्न सराईचा हंगाम सुरू आहे. लग्नामध्ये मोठ्या प्रमाणात सोने-चांदीच्या दागिन्यांची देवाण घेवाण केली जाते. त्यामुळे सगळ्याच सराफा दुकानात ग्राहकांची गर्दी होते. दरम्यान सोमवारी सोन्याच्या दरात वाढ झाल्याचे चित्र होते. मात्र मंगळवारी २४ तासात सोन्याच्या दरात किंचित घट झाल्याने ग्राहकांना मात्र दिलासा मिळाला आहे.
नागपुरात २३ डिसेंबरला सराफा बाजार उघडल्यावर सकाळी १०.३० वाजता सोन्याचे दर २४ कॅरेटसाठी प्रति दहा ग्राम ७६ हजार ५०० रुपये, २२ कॅरेटसाठी ७१ हजार १०० रुपये, १८ कॅरेटसाठी ५९ हजार ७०० रुपये, १४ कॅरेटसाठी ४९ हजार ७०० रुपये होते. या दरात चोवीस तासानंतर २४ डिसेंबर २०२४ रोजी सराफा बाजार उघडल्यावर घट झाली.
हे दर मंगळवारी (२४ डिसेंबर २०२४) २४ कॅरेटसाठी प्रति दहा ग्राम ७६ हजार ३०० रुपये, २२ कॅरेटसाठी ७१ हजार रुपये, १८ कॅरेटसाठी ५९ हजार ५०० रुपये, १४ कॅरेटसाठी ४९ हजार ६०० रुपये नोंदवले गेले. त्यामुळे २३ डिसेंबर २०२४ रोजीच्या तुलनेत २४ डिसेंबर २०२४ रोजी नागपुरात सोन्याच्या दरात घट झालेली बघायला मिळत आहे.
२४ कॅरेटमध्ये २०० रुपये, २२ कॅरेटमध्ये १०० रुपये, १८ कॅरेटमध्ये २०० रुपये, १४ कॅरेटमध्ये १०० रुपये प्रति दहा ग्रॅमने कमी झालेले दिसत आहेत. सोन्याच्या दरात किंचित घसरण झाली असली तरी येत्या काढात सोन्याच्या दरात आणखी वाढ होण्याचे संकेत सराफा व्यवसायिकांकडून दिले जात आहेत. त्यामुळे सोने खरेदीतील गुंतवणूक आताच्या काळात लाभदायक असल्याचा सराफा व्यवसायिकांचा दावा आहे. सायंकाळच्या सत्रात या दरात देखील आणखी घसरण झाल्याचे खालील आकडेवारीवरून दिसून येते.
चांदीच्या दरात वाढ
नागपुरातील सराफा बाजारात २३ डिसेंबरला सकाळी बाजार उघडल्यावर १०.३० वाजता चांदीचे दर ८८ हजार ५०० रुपये प्रति किलो होते. हे दर २४ डिसेंबरला दुपारी ८८ हजार ७०० रुपये प्रति किलो नोंदवले गेले. त्यामुळे २३ डिसेंबरच्या तुलनेत नागपुरात २४ डिसेंबरला चांदीच्या दरात २०० रुपये प्रति किलो वाढ नोंदवली गेली.